Қарыз ресімдеу кезде кепіл ретінде не қабылданады?
Кепіл ретінде 333-тен 999-ға дейінгі сынамасы бар алтын бұйымдар және олардың сынық бөлшектері қабылданады.

М-Ломбардта қарыз алу үшін қандай құжаттар қажет?
Тек жеке куәліктің, паспорттың немесе Қазақстанда тұруға ықтиярхаттың түпнұсқасы ғана.

Алтын бұйымдарды бағалау қалай жүргізіледі?
Бұйымдарды бағалау спектрлік анализатордың көмегімен жүзеге асырылады. Бұл құрал алтын сынамасын дәл және сенімді анықтайды және Сіздің әшекейлеріңізді аздап аралаумен және реактивтермен бұзбайды. М-Ломбард - барлық филиалдары спектралды анализаторлармен жабдықталған Қазақстандағы жалғыз ломбард.

Алтын бұйымдарды бағалау неге байланысты?
Зергерлік бұйымдардың бағасы: Қорытпа құрамындағы таза алтынның мөлшеріне; Алтынның ағымдағы биржалық құнына; Зергерлік бұйымдарда гауһар тастардың бар-жоқтығына байланысты.

М-Ломбардта пайыздық мөлшерлеме қандай?
Күніне 0,4%. Бізде жоғары пайыз жоқ. Мөлшерлеме қарыз мерзімі ішінде және кепілді күту кезеңінде бірдей. Бізде ешқандай айыппұлдар, комиссиялар мен жасырын төлемдер жоқ.

LONDONFIX-5% деген не?
Бұл формула бойынша М-Ломбард күн сайын Лондон металл биржасының бағамы бойынша алтынның әрбір сынамасы үшін бағаны жаңартады.

Мен қарызды қандай мерзімге ресімдей аламын?
"60 күнге, оның ішінде:
- Қарыздың стандартты мерзімі - 30 күн;
- Кепілді күту мерзімі - Қарыздың стандартты мерзімі өткен күннен бастап 30 күн."

Ұзарту дегеніміз не?
Бұл қарызды өтеу мерзімін ұлғайту.

Мен ұзартуды қайда істей аламын?
"Қарызды ұзартуға болады:
- www.m-lombard.kz сайтында
- М-Ломбард ұялы телефон қосымшасында
- Qiwi терминалдары және Qiwi-әмиян арқылы
- М-Ломбардтың кез келген бөлімшесінде"

Ішінара өтеу дегеніміз не?
Бұл бұйымды сатып алмай қарыз сомасын (негізгі қарызды) ішінара өтеу.

Мен жартылай өтеуді қайда жасай аламын?
М-ломбардтың кез келген филиалында.

Мен алтынды бөліп сатып ала аламын ба?
Иә. Ішінара сатып алу үшін Сіз қарыз алған М-Ломбардтың филиалына жүгініңіз.

Мен алтынды басқа филиалда/қалада сатып ала аламын ба?
Алтынды тек Сіз қарыз алған М-Ломбардтың филиалында сатып алуға болады.

Мен қарызды өтемесем не болады?
Егер Сіз қарызды өтемемесеңіз, кепілдік бұйым іске асыруға берілетін болады. М-Ломбардта Сізге деген ешқандай наразылықтар мен талаптар болмайды.

Басқа адам менің қарызымды өтей алады ма және кепіл бұйымын ала алады ма?
Қарызды кепіл билетінде көрсетілген Қарыз алушы ғана немесе құқығы нотариалды расталған оның өкілі ғана төлей алады.

Қарыз мерзімінің аяқталуы туралы СMС-ескерту қашан келеді?
"СMС-ескерту 2 рет жіберіледі:
1. Қарыздың стандартты мерзімі өткеннен кейін (31-ші күні)
2. Кепілді күту мерзімі өткеннен кейін (61-ші күні)"

Мен жеке куәлік фотосуретімен алтынды сатып ала аламын ба?
Алтынды ҚР азаматының жеке куәлігінің немесе төлқұжатының түпнұсқасын көрсеткен кезде ғана сатып алуға болады.

Мен кепіл билетінің нөмірін қайдан біле аламын?
Кепіл билетінің нөмірі жеке кабинетте "Менің қарыздарым" бөлімінде орналастырылады немесе М-Ломбардтың кез келген филиалына жүгінуіңізді сұраймыз.

Жеке кабинет не үшін қажет?
Ыңғайлы болу үшін. Жеке кабинетте Сіздің ағымдағы қарыздарыңыз туралы барлық қажетті ақпарат бар:
• Қарыз ресімделген филиал
• Қарыздың стандартты мерзімінің аяқталу күні (30 күн)
• Кепілді күту мерзімінің аяқталу күні (30 күн)
• Жеке кабинетке кірген күнге берешек (қарыз сомасы + сыйақы)
• Сыйақы (пайыздар)

Мен Жеке кабинетте қалай тіркеле аламын?
Барлығы 3 қадам!
1-қадам. Өзіңіздің ЖСН және телефон нөміріңізді енгізіңіз
2-қадам. Сіздің телефон нөміріңізге СМС арқылы келген кодты енгізіңіз
3-қадам. Жеке кабинетке кіру үшін құпия сөз ойлап табыңыз
Тіркелу үшін Сізге ұялы телефон қажет. Назар аударыңыз! Сіздің телефон нөміріңіз М-Ломбардта қызмет көрсету кезінде Сіз көрсеткенге сәйкес келуі тиіс!
Сайттың Жеке кабинетінде тіркелу кезінде біз клиенттердің екі факторлы аутентификациясын - ЖСН мен телефон нөмірін пайдаланамыз. Бұл шара деректердің қауіпсіздігі үшін қажет, өйткені ЖСН ашық ақпарат болып табылады.

Жеке кабинетті тіркей алмаймын, мен клиент емеспін деп шығады
Мүмкін Сіз бізге хабарламаған жаңа ұялы телефон нөміріне тіркелдіңіз. Өтінеміз, М-Ломбардтың кез келген филиалына хабарласыңыз және сауалнама мәліметтеріндегі ұялы телефон нөмірін өзгертіңіз.

Неге мен жеке кабинетте өз қарызымды көрмеймін?
Егер мерзімі өткен қарыз Сіздің Жеке кабинетіңізде көрсетілмесе, өтінеміз, кепіл билеті ресімделген М-Ломбард филиалына дереу хабарласыңыз.

"Менің бұйымдарым" бөлімі не үшін қажет?
"Менің бұйымдарым" бөлімінде Сіз бұрын кепілге берген бұйымдар көрсетіледі. Сіздің ыңғайлылығыңыз үшін осы бөлімде ағымдағы күнге осы бұйымдардың бағалау құнын көре аласыз және қажет болған жағдайда М-Ломбардтың кез-келген филиалында қарыз ресімдей аласыз.

Мен қандай бұйым салғанымды қалай білуге болады?
Ағымдағы қарыздар бойынша кепілге берілген барлық бұйымдардың сипаттамасы Жеке кабинетте "Менің қарыздарым" бөлімінде бар. Өнімнің сипаттамасын көру үшін төмен көрсеткі бар сары түймені басыңыз.

"Оның ішінде сыйақы" деген баған нені білдіреді?
Бұл Жеке кабинетке кіру күніне ағымдағы қарыз бойынша есептелген сыйақы (пайыздар) сомасы.

Жеке кабинетте қарыз бойынша сыйақы қандай кезеңге көрсетілген?
"Оның ішінде сыйақы" бағанында Жеке кабинетке кірген күнге ағымдағы қарыз бойынша есептелген сыйақы (пайыз) сомасы көрсетілген.

Бұйымды сатып алу үшін маған қанша төлеу керек?
"Барлығы берешек" бағанын қараңыз. Онда өтеуге жалпы сома (қарыз сомасы + сыйақы) көрсетілген. Назар аударыңыз! Бұл жалпы сома Жеке кабинетке кірген күнге есептеледі!

Мен қарызды Жеке кабинетте қалай ұзарта аламын?
Барлығы 3 қадам! Қарызды Жеке кабинетте ұзарту үшін қажет:
1-қадам. "Қарызды ұзартуды" басыңыз және ұзарту күндер санын таңдаңыз - төлем сомасы автоматты түрде қалыптастырылады.
2-қадам. "Карта деректері" нысанының барлық жолдарын толтырыңыз:
Картадағы есім*
Карта нөмірі*
Картаның әрекет ету мерзімі*
CVV2*
Сіздің қолданыстағы e-mail*
Сіздің байланыс телефоныңыз
3-қадам. "Төлеуді" басыңыз.

Жеке кабинетте "Сіздің кепілдік билетіңіз бойынша ұзартудың шекті мерзімі асып кеткен" деген нені білдіреді?
2020 жылдың 1 маусымынан бастап Сіздің кепіл билетіңіз бойынша ұзартудың шекті мерзімі 205 күннен кешіктірілмей болуы мүмкін. Бұдан әрі операциялар үшін Сізден қарыз ресімделген филиалға жүгінуіңізді және қайта ресімдеу жасауыңызды сұраймыз.

Жылдам ұзарту дегеніміз не?
Бұл жеке кабинетті тіркеусіз қарыз мерзімін жылдам ұзарту. Сізге тек www.m-lombard.kz сайтында қарыз алушының ЖСН және кепілдік билетінің нөмірін енгізу қажет.

Мен қарызды қанша күнге ұзарта аламын?
Сайтта қарызды 1 және одан да көп күнге ұзартуға болады. Күн санын өзгерту үшін меңзерді айналдырыңыз және интерфейс опциясынан қажетті санды таңдаңыз. Бір ұзартудың ең ұзақ мерзімі - 45 күн. Егер Сіз ұзақ мерзімге ұзартқыңыз келсе, Сіз екі және одан да көп ұзарту жасай аласыз.

М-Ломбардта комиссия ұсталады ма?
Бізде ешқандай айыппұлдар, комиссиялар мен жасырын төлемдер жоқ.

Егер мен қарызды ұзартсам, бірақ түбіртек алмасам не істеу керек?
Сайтта ұзарту кезінде электрондық чек растаушы құжат болып табылады. Ұзарту нәтижесін тексеру үшін Жеке кабинетте "Менің қарыздарым" бөліміне кіріңіз. Егер қарыз ұзартылған болса, онда Стандартты және Кепілді күту мерзімі аяқталатын күн жаңартылады.

CVV2 дегеніміз не?
Бұл үш саннан тұратын құпия код. Ол банк картасының артқы жағында, қағаз жолақтың оң бөлігінде карта ұстаушысы қолының жанында орналасады.

Мен Kaspi Gold картасымен төлей аламын ба?
Иә. Сыйақыны кез келген қазақстандық банктің VISA, Visa Electron және MasterCard банктік картасымен комиссиясыз төлеуге болады.

Менде неге шектеме асып кеткен?
Біз төлем бойынша ешқандай шектеулер қоймаймыз. Өтінеміз, Сіздің банк картаңызды шығарған банкке хабарласыңыз.

Ұзартуды Qiwi терминалы арқылы қалай жасауға болады?
Барлығы 4 қадам! Қарызды Qiwi терминалы арқылы ұзарту үшін қажет:
1-қадам - Несиелерді өтеу/қаржылық қызметтер - Ломбардтар - М-Ломбардты таңдаңыз.
2-қадам - ЖСН және кепілдік билетінің нөмірін енгізіңіз.
3-қадам - Ұзарту нұсқасын таңдаңыз:
1) Ұзарту күндерінің саны - ұзарту күндерінің санын көрсетіңіз (төлем сомасы автоматты түрде қалыптастырылады);
2) Ең жоғарғы сома - төлем сомасын көрсетіңіз (ұзарту күндерінің саны автоматты түрде қалыптастырылады).
4-қадам - Төлем жасаңыз. М-Ломбард сайтында Жеке кабинетте "Менің қарыздарым" бөлімінде ұзарту өткізудің нәтижесін тексеруге болады (Стандартты және Кепілді күту мерзімінің аяқталу күні жаңартылуы тиіс).

Ұзартуды Qiwi әмияны арқылы қалай жасауға болады?
Барлығы 4 қадам! Қарызды Qiwi әмияны арқылы ұзарту үшін қажет:
1-қадам - Іздестірушіде "М-Ломбардты" таңдаңыз.
2-қадам - ЖСН және кепілдік билетінің нөмірін енгізіңіз.
3-қадам - Ұзарту нұсқасын таңдаңыз:
1) Ұзарту күндерінің саны - ұзарту күндерінің санын көрсетіңіз (төлем сомасы автоматты түрде қалыптастырылады);
2) Ең жоғарғы сома - төлем сомасын көрсетіңіз (ұзарту күндерінің саны автоматты түрде қалыптастырылады).
4-қадам - Төлем жасаңыз.
М-Ломбард сайтында Жеке кабинетте "Менің қарыздарым" бөлімінде ұзарту өткізудің нәтижесін тексеруге болады (Стандартты және Кепілді күту мерзімінің аяқталу күні жаңартылуы тиіс).

Ішінара өтеуді онлайн жасауға болады ма?
Иә. Қарызды ішінара өтеу үшін Сіз www.m-lombard.kz сайтында Жеке кабинетте «Ішінара өтеу» операциясын пайдалана аласыз. Сіз сондай-ақ ішінара өтеуді «М-Ломбард» мобильді қосымшасында жасай аласыз.

Мен жеке кабинетте ішінара өтеуді қалай жасай аламын?
Бар болғаны 3 қадам!
1-ші қадам. «Ішінара өтеу» түймесін басыңыз, соманы енгізіңіз және «Төлеу» түймесін басыңыз.
(минималды және максималды сома төменде көрсетіледі)
2-ші қадам. «Карта деректері» нысанының барлық жолдарын толтырыңыз:
Картадағы есім*
Карта нөмірі*
Картаның әрекет ету мерзімі*
CVV2*
Сіздің қолданыстағы e-mail*
Сіздің байланыс телефоныңыз
3-ші қадам. «Төлеу» түймесін басыңыз.
Төлемді кез келген қазақстандық банктің VISA, VisaElectron, MasterCard банк карталарының көмегімен, соның ішінде KaspiGold картасының көмегімен жүзеге асыру мүмкіндігі бар (Интернетте төлем жасауға ашық лимиттің болуын тексеріңіз).

Сайтта қарызды толық өтеуге, ал бұйымды кейінірек алуға болады ма?

Сіз қарыз сомасын 1 теңгеге дейін төмендетіп, қарызды ішінара өтей аласыз.
Сіз өз бұйымыңызды қарыз ресімделген филиалдан ішінара өтеу күнінен бастап 60 күн ішінде (кепілді күту мерзімі аяқталғанға дейін) ала аласыз.

Қайта ресімдеу не үшін керек, мен үнемі ұзартамын?
Сіздің кепіл билетіңіз бойынша ұзартудың шекті мерзімі 205 күннен кешіктірілмей болуы мүмкін.

Қайта ресімдеуді қалай жасауға болады?
Кепілдік билетті қайта ресімдеу үшін, Сіз несие берілген филиалға барып, пайдаланылған кезең үшін сыйақы сомасын төлеуіңіз тиіс.

Мен басқа қаладамын, қайта ресімдеуді қалай жасауға болады?
Егер бізге Сіздің өкіліңіз нотариалды куәландырылған сенімхат берсе, онда қайта ресімдеу жасай алады.

Сатуға бұйымдар қайда қойылған?
Сатуға арналған зергерлік бұйымдар келесі мекенжайлар бойынша қойылған:
- Алматы қаласы, Жібек Жолы даңғылы, 55 үй, «Алма» СҮ
- Нұр-Сұлтан қаласы, А. Петров көшесі, 17 үй, "Евразия" сауда орталығына қарама-қарсы 1а тұрғын емес үй-жай

Филиалдардың мекенжайларын қайдан көруге болады?
www.m-lombard.kz сайтында "Байланыстар" бөлімінде Сіз ең жақын филиалды таңдай аласыз.

Байланысу